Partia maqedonase në pushtet LSDM, përmes një komunikate për media thekson se qeveria e tanishme menaxhon në mënyrë transparente dhe të ndërgjegjshme me paratë e qytetarëve të vendit.

Nga kjo parti thonë se kanë dallim të madh me qeverinë e kaluar, e cila sipas kësaj partie, ka bërë harxhime joproduktive dhe të kota, njofton Telegrafi Maqedoni.

Me promovimin e platformës për harxhimet financiare të zyrtarëve shtetëror, qeveria e udhëhequr nga LSDM ka vërtetuar dhënien e angazhimit të përgjegjësisë, ndershmërisë dhe transparencës me menaxhimin e parave të qytetarëve. Për herë të parë në historinë e Republikës së Maqedonisë, qeveria e udhëhequr nga LSDM me vetëinciativë dhe në mënyrë të hapur, në mënyrë transparente i vendosi nën hetim dhe lupë harxhimet publike të funksionarëve”, thonë nga LSDM.

Ata shtojnë se nëpërmjet programit të ri i gjithë opinioni mundet të vërej dallimin në mes përgjegjësisë dhe transparencës me drejtimin e financave nga qeveria e udhëhequr nga LSDM dhe shpenzimet e parave të qytetarëve nga ana e OBRM-PDUKM-së.

“Nikolla Gruevski si kryeministër ka harxhuar 5,183,102 denarë, apo afërsishtë dy herë më shumë se qeveria e Zoran Zaev në gjashtë maujt e parë, apo 2,918,531 denarë. Kështu pra mund të shikojmë dallimin e harxhimeve zyrtare, të zyrtarëve që mbajnë funksione publike”, shtojnë nga LSDM./Telegrafi/